Í NÆRVERU SÁLAR á ÍNN
Upptökum á þáttunum hefur verið hætt. Teknir vour alls upp 76 þættir.

Í nærveru sálar.
Sá sér í hugarfylgsni 
Særandi orð ókunnugs manns.
Nagandi, nístandi beitt sem stál.
Nærast á blóði og éta sál.
Neita að sökkva í gleymskunnar skál.
Í sálarnærveru er háttvísin hál.

Sálartetrið
Hremmingar sækja á þitt sálartetur.
Sá efasemdum um hvað þú  getur.
Hvort streita og kvíði sál þína letur,
aðeins sálfræðingurinn þinn metur.

Pælum í sál og skoðum innri mál og atferli


Í nærveru sálar er hluti af málshættinum AÐGÁT SKAL HÖFÐ Í NÆRVERU SÁLAR. Þetta er einnig ljóðlína í kvæði eftir Einar Benediktsson sem nefnist Einræður Starkaðar, 3. hluti, 3. vers:

Eitt bros getur dimmu í dagsljós breytt,
sem dropi breytir veig heillar skálar.
Þel getur snúizt við atorð eitt.
Aðgát skal höfð í nærveru sálar.
Svo oft leyndist strengur í brjósti, sem brast
við biturt andsvar, gefið án saka.
Hve iðrar margt líf eitt augnakast,
sem aldrei verður tekið til baka.

Einar Benediktsson, Íslenzkt ljóðasafn, 1974.

Síðust þættir Í nærveru sálar voru:

3. maí. 
Dáleiðsla, viðurkennd meðferðartækni.
Gestur: Hörður Þorgilsson, klínískur sálfræðingur og formaður Dáleiðslufélags Íslands.
Lokaþáttur Í nærveru sálar.

26. apríl.
Mataræði í grunnskólum Reykjavíkur.
Gestir: Jón Ingi Einarsson, fjármálastjóri Menntasviðs Reykjavíkurborgar, Sigurveig Káradóttir, foreldri grunnskólabarns í Reykjavík og Þröstur Harðarson, matsveinn i Hagaskóla.

19. apríl. 
Að heyra barn sitt vaxa.
Skyggnst inn í heim blinds föður og nýútkomin bók hans skoðuð.
Gestur er Bergvin Oddsson.

12. apríl.
Einelti í íslenskum lögum. Hvað er sagt og ekki sagt um einelti í lögum landsins? Ragna Árnadóttir, ráðherra dómsmála og mannréttinda, Þórhildur Líndal, forstöðumaður Rannsóknarstofnunar Ármanns Snævarr og Gunnar Diego taka þessa krefjandi og áleitnu umræðu.

5. apríl.
Fullorðin börn alkóhólista. Hörður Oddfríðarson frá SÁÁ. Þátturinn var áður sýndur 12.10. ´09.

29. mars.
Afreksbörn í íþróttum og íslenskir afreksskólar. Jákvæð og neikvæð hlið þess að vera ungur afreksíþróttamanður. Gestur er Jón Páll Pálmarsson, fótboltaþjálfari en hann heldur utan um akademíu FH og Flensborgar.

22. mars.
Þörfin að vita framtíð sína. Hverjir leita helst til spákvenna og spámiðla? Hverjir eru þeir sem velja að starfa við að spá fyrir fólki um framtíðina? Er hægt að ánetjast því að láta spá fyrir sér? Þessum og fleiri spurningum svarar Sigrún Elín Birgisdóttir sem m.a. starfar við það að spá Í Tarrotspil fyrir fólk

15. mars.
Stam. Sálræn áhrif og afleiðingar þess að stama. Börnum sem stama er oftar strítt. Fullorðnir sem stama eru hlédrægari og finna oft til kvíða ef þeir þurfa að tjá sig á almannafæri. Jóhanna Einarsdóttir lektor fræðir okkur um þessa erfiðu máltruflun.

Sérsveitarhugmyndin
Hér er sett fram hugmynd um hvernig hægt er að hafa til reiðu utanaðkomandi fagteymi sem þolendur eineltis geta leitað til telji þeir sig ekki fá lausn sinna mála á þeim stað hvort heldur í skóla eða á vinnustað, þar sem eineltið á sér stað.